 |
Nje dite si kjo ...
2008
Theofan Stilian Noli
Në 13 mars 1965 mbylli sytë Theofan Stilian Noli, kleriku që punoi shumë për autoqefalinë e kishës ortodokse shqiptare, i cili mbeti një figurë madhore në letrat shqipe si publicist, poet, shkrimtar që la veprat e mrekullueshme: "Anës lumenjve", "Marshi i barabajt", "Himni i flamurit", "Historia e Skënderbeut", "Beethoveni dhe revolucioni frëng", etj., ndërsa si përkthyes i paarritshëm bëri të flisnin shqip mjaft vepra madhore të letërsisë botërore, por pati edhe krijimtari muzikore, duke mbetur në kulturën shqiptare si i madhi FAN NOLI.
Gjovalin Gjadri
Në 13 mars 1974 u nda nga jeta ing.Gjovalin Gjadri, konstruktor ndërtimi, projektuesi dhe ndërtuesi i mjaft urave të shkatërruara nga lufta, si dhe shumë të tjerave, bashkë me vepra arti. Kështu renditen: ura e Gomsiqes, e Mbrostarit, Rrogozhinës, etj. si dhe studimet në këtë fushë: "Shkenca konstruktive"(në 3 vëllime), "Studime mbi gjendjen e urave në Shqipëri", etj.
Jan Berlin
Në 13 mars 1893 u lind Jan Berlin, balerin, baletmaestër suedez mjaft i njohur, organizator i trupës së baletit suedez, me të cilin vuri në skenë baletet e suksesshme: "Krijimi i botës", "Pushimi", etj., ndërsa për nder të tij në vitin 1930 u krijua në Paris Arkivi ndërkombëtar i valleve "Berlin".
Stiven Vinsent Benet
Në 13 mars 1943 u nda nga jeta poeti dhe shkrimtari amerikan Stiven Vinsent Benet, autor i veprave të njohura: "Trupi i Xhon Braunit", "Tmerr në mesditë", etj., i cili u dallua veçanërisht për emisionet radiofonike antifashiste.
|
|
|
